Mamûretülazîz Vilâyet-i Celîlesi’ne
24 Safer [1]313 / 3 Ağustos [1]311 / [16 Ağustos 1895]
Mamûretülaziz vilâyeti dâhilinde göçebe hâlinde yaşayan yirmi bin nüfûsa karîb Dricânlı ve Nermikânlı aşâyîrinin her sene mevsim-i seyfde Mamûretülazîz ve Sivâs vilâyetleri arasında Yamadağı ve Eğrisu ve Ağaçhân nâm mahallerle sâ’ir istedikleri yerlerde çadırlarını rekz ile kurâ-yı mütecâvire ahâlisinin mezrû‘ât ve hâsılatını itlâf ve envâ‘ı şekâvet ve ta‘âddiyâta ictisâr eylemekte olduklarından bahisle bunların teblîgât ve mukarrerât-ı vâkı‘a veçhile çadırları ellerinden alınarak mevsim-i şitâda barındıkları Malatya civârında Tohma nehri kenârıyla Yazıhan nâm mahalde icrâ-yı tavattınları ve orada bir nâhiyenin teşkîli ile aşâyir-i merkûmenin zirâ‘ata alıştırılarak ıslâh-ı hâlleri hakkında ba‘zı ifâde ve istid‘âyı hâvi Bâb-ı Serâskerî misâfirhâne me’mûrlarından ve ahalî-yi mahalliyeden mülâzım-ı sâni Mehmed Şâkir imzâsıyla makâm-ı sadâret-penâhîye bi’t-takdîm havâle ve takdîm buyrulan arzuhâl merbûtuyla berâber leffen savb-ı âlî-i dâverîlerine irsâl kılınmakla münderecâtına nazaran mutâla‘a-i aliyye-i asıfânelerinin beyân ve iş‘ârına himem-i aliyye-i vilâyet-penâhîleri derkâr buyrulmak bâbında
1313.S.24 [16 Ağustos 1895]
Konu: Yazıhan Nahiyesi’nin teşkili
