Bâbıâli
Dâire-i Sadâret
Amedî-i Dîvân-ı Hümâyûn
659
Devletlü efendim hazretleri;
Mamûretülaziz vilayeti mulhakâtından Keban Madeni kazası dahilinde kain Yazıhan nam arazi-yi hâliye ile Fethiye civarında müceddeden inşa olunan ve derdest inşa bulunan seksen bâb hanenin karye heyetine ifrağıyla nam-ı nâmî-i hazret-i cihânbânîye izafetle tevsîmi lüzum-ı istîzânını hâvî Dâhiliye Nezâret-i Celîlesi’nin tezkiresi arz ve takdim kılınmış olmagla ol-bâbda her ne veçhile irâde-i seniyye-i cenâb-ı hilâfet-penâhî şeref-sudûr buyrulur ise mantûk-ı âlîsi infâz olunacağı tezkire-i senâverî terkim kılındı efendim.
Fî gurre-i Rebiülevvel sene [1]323 ve fî 23 Nisan sene [1]321
Sadrazam
Ferid
Maʻrûz-ı çâker-i kemîneleridir ki
Resîde-i dest-i taʻzîm olup melfufuyla manzûr-ı âlî buyrulan işbu tezkire-i sâmiye-i sadâret-penâhîleri üzerine mucibince irâde-i seniyye-i cenâb-ı hilâfet-penâhî şeref-müteallik buyrulmuş olmağla ol bâbda emr ü fermân hazret-i veliyyü’l-emrindir
Fî 6 Rebiülâhir sene [1]323 ve fî 28 Mayıs sene [1]321
Ser-kâtib-i şehrîyârî
Tahsin
Konu:
Mamuretülaziz vilayeti Keban madeni dahilinde bulunan Yazıhan nam boş arazi ile Fethiye civarında yeni inşa olunan seksen hanenin köy şekline çevrilip adının padişahın ismine izafeten “Hamidiye” olması.
10 Haziran 1905
