Malatya naibinin işbu i‘lâmı meâli, Malatya sancağında Akçadağ nâhiyesine tâbi Yirağaç karyesinde vâkı‘ Şâh Ali Bey Zâviyesi Vakfı’nın
zâviyedârlığını Dede Ali demekle arîf kimesne ceddim vakfıdır deyû hilâf-ı inhâ bir-takrîb bâ-berât-ı âlî uhdesine tevcîh ettirip asrında livâ-yı mezkûr mutasarrıfları bulunan vüzerâ-yı izâm huzurlarında vâkıf-ı mûmâileyhin sahîh evlâdından mevcûd kimesneler bi’d-defâ‘ât terâfu-i şer-i şerîf olundukda iddi‘âsı lagv ve kizb-i sarîh olduğu tebeyyün ederek zâviyedârlık-ı mezkûr evlâd-ı vâkıf taraflarından batnen-ba‘de-batnin ber-mûceb-i şurû-ıt vâkıf zabt ve tasarruf olunmuş ise de berâtının kaydı terkîn olunmamış olduğundan mu’ahheren merkûmun evlâdından Veli ve Süleyman ve İsmâil zâviyedarlık-ı mezkûru babaları mezbûrun atîk berâtı mûcebince üzerlerine bi’t-tevcîh bu maddeye dâir tahsîl etmiş oldukları fermân-ı celîlü’l-ünvânı mülhekâtıyla Diyârbekir valisi esbak Zekeriya Paşa’ya arz ve ifâde ve paşa-yı müşârünileyh dahi huzûr-ı şer‘a lede’l-havâle evlâd-ı vâkıfdan merkûmûnun hasmı bulunan es-Seyyid İbrahim ve es-Seyyid Ahmed ve es-Seyyid Abdullah ve es-Seyyid Abdülcelil ve es- Seyyid Hasan nâm kimesneler müvâcehelerinde fermân-ı âli-i mezkûru ibrâz ve terâfu-i şer’i şerif olduklarında müdde‘âlarını isbât edemeyüp keyfiyet Malatya ülemâsı ve bî-garaz mevsûkü’l-makal müsinn kimesnelerden lede’t-tahkîk mûmâileyh Şah Ali Bey’in evlâd-ı ilâ-yevminâ hazâ Malatya sâkinlerinden olup merkûmûn Veli ve Süleyman ve İsmail Hasan Çelebi ahalisinden ve sürha taifesinden oldukları zâviyedârlık-ı mezkûru bir vechile zabt ve tasarrufları sebkat etmeyüp ecânibden oldukları tevâtüren tebeyyün etmiş olduğundan bahisle merkûmûnun reflerinden vâkıf-ı mûmâileyhin elli neferden mütecâviz evlâdı beynlerinde müntehabı olan es-Seyyid Hasan veledi Yusuf Halife’ye tevcîhi hususunu istid‘âdan ibâret görünmüş ve karye-i mezkûrede vâki gayri ez-hâssâ-i timâr, Şah Ali Bey Zâviyesi Vakfı’nın zâviyedârlığı bilâ ta‘yîn bâ-berât-ı âlî mutasarrıfı bulunan Şeyh Ali’nin ferâğ ve kasr-ı yedinden bin yüz seksen sekiz senesi evâhir-i Zilkadeti’ş-şerîfesinde oğulları merkûmûn Veli ve İsmail ve Süleyman’ın uhdelerine bâ-berât-ı âli tevcih olunmuş olup cülûs-ı hümâyûn-ı meymenet-makrûn şeref-vukû‘una binâ’en iki yüz elli beş senesi evâ’il-i Şevvâlü’l-mükerreminde tecdîden berât-ı âlişân verildiği ve merkûmun Veli ve İsmâil ve Süleyman mutasarrıf oldukları zâviyedârlık-ı mezkûrun zâviyesi vakfına Malatya sâkinlerinden İsmail torunu İbrahim ve Abdullah nâm kimesneler bî-vech müdâhale eylediklerinden bahisle merkûmân İbrahim ve Abdullah ile Sivas Mahkemesinde terâfu-i şer-i şerif olunarak
müdâhaele-i vâkı‘alarının men‘ ve ref‘ini âmir bir kıt‘a emr-i âli i‘tâsını bundan mukaddem bâ-arzuhâl lede’l-istid‘a husûs-ı mezkûr mahallinde ma‘rifet-i şerle faysal verilerek merkûmânın ol vechile müdâhaleleri vâki‘ ise men‘ ve def‘ olunmak bâbında cânib-i nezâret-i celîle-i Mâliye’den tahrirât tastîr ve tesyîr kılınmış iki yüz elli yedi senesi Cumâde’l-ulâsının yirmi dokuzuncu günü mektûb tahrir olunduğu ve Nezâret-i Hazîne-i Evkâf-ı celîleye mülhak evkâfdan Malatya’da Alacakapu mahallesinde Miralay Şâh Ali Bey Mescid-i Şerîfi vakfının vazife-i mu‘ayyene ile imâmet ve tevliyet cihetleri bin yüz yetmiş senesinden beri tedâvül-i eyâdi ile bâ-berât-ı âli el-yevm uhdelerinde olduğu ve zâviye-i mezkûre vakfının iki yüz elli altı senesi Muharremü’l-harâmının gurresinden Zilhiccesi gâyesine değin bir senelik muhasebe defterinde dört yüz doksan kuruş fazla-i vakf zuhûr eylediği ve zâviyedârlık-ı mezkûr mârrü’z-zikr bin yüz seksen sekiz senesi tarihinden beri merkûmûn Veli ve İsmail ve Süleyman’ın bâ-berât-ı âlî uhdelerinde olup şimdiye değin ref‘i vukû‘ bulmamış vevakfiyesine dair serâhete bir gûne kayda zaferyâb olunamamış idüği derkenarlarından ve vâkıf-ı mûmâileyhin zâviye-i mezkûre vakfının evlâd-ı evlâd-ı vâkıfa meşrûtiyetine dair mahallinde bir gûne vakfiye ve senedât-ı sâ’ire varmıdır ve târih-i mezkûreden berü zâviyedârlık-ı mezkûru kimler zabt ve tasarruf etmişdir ve ber mantûk-ı i‘lâm mukaddemâ sebk eden mürâfa‘âtın faysal verildiğini nâtık senedât-ı şer‘iye [s. 2] var mıdır ve te‘âmül-i kadîmi ne vechiledir ve vâkıf-ı mûmâileyhin mescid-i şerîfi vakfının imâmet ve tevliyet cihetlerinin mutasarrıfları mezbûrûn el-yevm ber-hayat ve edâ-yı hizmet etmekte midir? Ve mescid-i şerif-i mezkûrun hâsılât ve mesârıfât-ı seneviyesi nedir? Bi’l-etraf tahkîk ve zâviyedârlık-ı mezbûr husûsunda tarafeyn bil-müvâcehe terâfu-i şer-i şerîf olunarak hakikat-i hâlin alâ vechi’l-izâh der-bâr-ı şevket-karara mufassalen i‘lâm ve inhâ ve iş‘ârıyla ba‘dehû icâbı icrâ kılınmak üzere Sivas Meclisine hitâben bir kıta emr-i âlî ısdârı iktiza edeceği evkâf-ı hümâyûn müfettişi faziletlû efendi hazretlerinin i‘lâmından istifade kılınmış olmağın bu surette ber-mantûk-ı ilâm tesviyesi muvâfık-ı re’y-i müşîrileri buyrulduğu halde Malatya sancağı maden-i hümâyûn mülhakatından olduğundan keyfiyetin Diyabakır müşîrinden istisfarı içün emir-nâme-i sâmî tastiriyle kaydı ecvibe-i lâzimesinin icrâsına değin iş bu evrâk vilâyet muhâsebesinde hıfz olunarak fakat evkaf muhasebesine bir kıta ilmühaber itasıyla fermân
