Mamûretü’l-aziz Vilâyeti
Mektûbî Kalemi
Aded: 3
Bihî
Şûrâ-yı Devlet Riyâset-i Celîlesine
Devletlû efendim hazretleri
Malatya kurbünde vâkıʻ Kırkgöz köprüsünden rüsûm ahzı câʼiz olup olmadığının ve bundan ne mikdar hâsılat vücûda gelebileceğinin arz ve işʻârı şeref-vârid olan 6 Şubat sene [1]314 tarihli ve yirmi numaralı tahrîrât-ı aliyye-i makâm-ı riyâset-penâhîlerinde emr-i işʻâr buyrulmuş ve lede’l-istiʻlâm Malatya Mutasarrıflığı’ndan alınan cevâb-nâmede Kırkgöz köprüsü Malatya’ya üç saat mesâfeden cereyân eden Tohma nehr-i cesîmi üzerinde vâkıʻ olup bir eser-i hayr olmak üzere selâtîn-i izâm hazerâtı tarafından vaktiyle bina edilmiş ve muʼahharan Dersaâdet ve Bağdad caddesi şosesi üzerine tesâdüf etmiş ve zâten Malatya ahâlîsi tarîk-i mezkûr bedelât-ı nakdiyesiyle mükellef olmadıkları gibi mezkûr köprüye civâr mahallerde nehr-i mezkûrun geçiş mevkiʻleri olup resm ahzı hâlinde fakr ü hâlleri maʻlûm olan civâr kurâ ahâlîsiyle sâʼir mârin(?) âbirînin(?) mezkûr geçit mevkiʻlerinden geçerek suyun tuğyan ve mevsim-i şitânın şiddetli zamanlarında birçok telef-i nefse sebebiyet verilmiş olacağı tabiʻî ve mezkûr köprüden resm ahzı muvâfık-ı hâl ve maslahat ve öyle kadîm bir eser-i hayrın resme tâbiʻ tutulmasında karîn-i muʻaddelet olamayacağı bedîhî bulunmakla beraber bundan alınacak resmin de pek cüzʼî olacağı ve tahkîkât-ı vâkıʻa cümlesinden anlaşıldığı beyân ve işʻâr olunmuş ve sûret-i işʻâr muvâfık-ı maslahat bulunmuş olmağla ol bâbda emr ü fermân hazret-i men-lehü’l-emrindir.
Fî 22 Zilhicce sene 1324 / 6 Şubat 1907
Maʻmûretü’l-azîz vâlisi
[Mühür] : Rauf
Konu: Malatya’ya üç saat uzaklıkta ve Tohma nehri üzerinde bulunan Kırkköz Köprüsü’nden geçiş vergisi alınması, civar halkın bu vergiyi verebilecek imkandan yoksun olduğu, vergi alınsa bile ciddi bir yekün oluşturmayacağı, esasen köprünün hayır amacıyla yapılmış olduğu hususlarının göz önüne alınarak vergi alınmamasının yerinde olacağına dâir Mamûretülaziz Valisi Rauf’un Şûrâ-yı Devlet’e sunduğu rapor.
